Jakob lobt den BSA auf Rumantsch Grischun, denn er spricht jetzt auch romanisch..

La FAS pensa uss era per rumantsch

Pli gugent tard che mai – la Federaziun Architectas ed Architects Svizzers (FAS) scuvra suenter 114 onns la Rumantschia. Flot, bun ed empermettent, pertge ussa daventan las chasas multifaras.

Betg lunsch davent da la Schatzalp sur Tavau è situà in dals pli bels ierts dal Grischun. 5000 plantas laschan Pius App ed Erich Schmid cultivar en lur Alpinum. Igl è in lieu da la biodiversitad, da la multifariadad e da la bellezza. È quai stà il motiv per la 114avla radunanza da la FAS da ludar la varietad culturala? Ella ha decis unanimamain che sia federaziun duai en avegnir era discurrer e pensar rumantsch e conferma quai en ses logo: Federaziun Architectas ed Architects Svizzers sco quarta menziun il pli giudim. Ina bella decisiun, cunzunt sch'ins sa che mo bel e bain in tozzel architectas ed architects dal Grischun fan part da la federaziun e che bler damain che la mesadad dad ellas ed els han lur biro en il territori rumantsch, persuenter in pèr exponents impurtants sco Gion Caminada da la Surselva u Kurt Lazzarini e Hansjörg Ruch da l'Engiadin'Ota. Urgentamain recumond jau perquai da clamar en il nobel club Urs Padrun da Lavin, Giovanni Netzer dal Surses e Valerio Olgiati da la Sutselva, per che tut ils idioms sajan represchentads. Bella è era la decisiun che la FAS vul sa tegnair vi dals rituals da la Confederaziun e publitgar ils documents uffizials e las correspundenzas essenzialas er en rumantsch grischun. Jau procur per quests servetschs per la tariffa tenor SIA. La FAS s'engascha per la diversitad culturala, la cultura rumantscha viva ella di per di. Quai po motivar las architectas ed ils architects da tractar cun dapli varietad lur unifurmitad adina pli gronda dals blocs monotons dapertut. Quai duai er esser in agid da realisar incumbensas pitschnas cun resguard dal lieu e da las circumstanzas e particularitads localas, enstagl da far siglir ellas or dal computer. Però anc in ulteriur impuls da mia vart per la FAS: betg emblidai che las lavureras ed ils lavurers da terras estras construeschan las chasas. Na targlinai pia betg a la 115avla radunanza da cumpletta...
La FAS pensa uss era per rumantsch

Pli gugent tard che mai – la Federaziun Architectas ed Architects Svizzers (FAS) scuvra suenter 114 onns la Rumantschia. Flot, bun ed empermettent, pertge ussa daventan las chasas multifaras.

E-Mail angeben und weiterlesen:

Geben Sie uns Ihre E-Mail-Adresse und wir geben Ihnen unseren Inhalt! Wir möchten Ihnen gerne Zugriff gewähren, obwohl dieser Beitrag Teil unseres Abos ist.